دپاکستان وزيراعظم راجه پرويز اشرف دشورو په ورځ دټولو مسلکونو اؤ مذهبونو په مشرانو دامن اؤ ثبات لپاره دهلو ځلو غږ کړى دى.
اسلام اباد کې دقومي اهم اهنگۍ دادارې په اهتمام جوړې شوې يوې غونډې ته وينا کې وزيراعظم راجه پرويز اشرف دترهه گرۍ اوسنو پيښو ته په اشارې کولو سره وويل داوسنو بريدونو له امله قام زيات خفه شوى.
هغه وويل” ديو بې گناه انسان دوژنې جواز نۀ شي پيدا کيدى. څوک ديو ماشوم، ښځې اؤ يو هاغه سړي دوژنې جواز پيدا کولى شي څوک چې دځان لپاره روزي گټي“
دهغه وينا وه هر وگړى دقانون پابند دى اؤ خپلې ذمه وارۍ پيژني.
وزيراعظم وويل پاکستان ځانله ژوند نۀ شي کولى اؤ دخپلو گاونډيانو سره به ورته په امن اؤ ورورولۍ سره ژوند تيرول وي.
دهغه وينا وه څوک هم دا حق نۀ لري چې خپله مرضي په نورو نافذ کړي.
وزيراعظم په ټولو مذهبي مشرانو غږ وکړو چې يو موټى دې شي اؤ په هيواد کې دې دامن لپاره دمينې پيغام خور کړي.