د پارلیمنټ ایوان بالا یا سنیټ د داخله چارو کمیټۍ ته د امنیتي ادارې رینجرز چارواکو ویلي کراچۍ کې د تیر کال راهسې روانې کاروائي کې د ځېنې سیاسي ډلو د غړو ترڅنگ د ٧٠٠ نه زیات پاکستاني طالبانو پلویان هم نیول شوې دي.
د رینجرز چارواکو ویلي که څه هم کراچۍ کې د کاروائي په نتیجه کې د طالبانو نیټ ورک یا جال تس نس کړی شوی دی خو طالبان ددې پرته هم د بیا راغونډیدو صلاحیت لري.
د سنیټ کمیټۍ ته وویل شو کراچۍ کې په ۴٠٣ چاپو کې د طالبانو ٦٧٠ پلویان نیول شوې دي.
په سمدستي توگه دا نه ده واضحه شوي چې په نیول شوو طالبانو مقدمې شورو کړی شوي دي او که نا؟
طالبان دوي ته د نقصان رسولو حکومت دعوي اکثر ردوي.
د رینجرز چارواکو د سنیټ داخله کمیټۍ ته وویل په تیر یو کال کې مشکوک مجرمانو خلاف کاروائې کې د کراچۍ دواو اهمو سیاسی ډلو، ایم کیو ایم او ای این پې، ځېنې غړي هم نیول شوې دي. چارواکو وویل د ایم کیو ایم ٥٦٠ او د ای این پې ١٨ کسان نیول شوې دي. خو دا ده معلومه چې په نیول شوو کسانو څه قسمه الزامات دي.
د سنیټ دداخله چارو کمیټۍ ته ورکړی شوي تفصيل اسلام آباد نه د وائس اف امریکا ډیوه ریډیو خبریال ارشد حسین رپورټ کې اوریدی شۍ:
