د افغانستان د ننگرهار صوبې په سر ښار جلال اباد کې د ملي امنيت په دفتر شوې ځانمرگي او ډله ييز بريد کې شپږ کسان وژل شوي ، او ۵۹ نور ژوبل شوي دي چارواکي وايي پېښه کې پينځه بريد کوؤنکي هم وژل شوي دي .
د راپورونو ترمخه جلال اباد کې نيشل ډائريکټريټ اف سيکيورټي ياد ملي امنيت پررياست دغه بريد نن د خالي په ورځ سحر وختي شوی دی .
د ننگرهار د چارواکو په وينا بريد کوؤنکو لمړی د ملي امنيت د ادارې د ودانې سره د بارودو ډک گاډی تمبولی ، او بيا يې ډزې پېل کړې او ترڅو ساعتو پورې د امنيتي ادارو او بريد کوؤنکو ترمنځ جهگړه روانه وه .
چارواکو پېښه کې د رامنځته شوې مرگ ژوبلې کره شمېره نه ده ښودلې ، خو د جلال اباد روغتون د سرچينو ترمخه روغتون ته شپږ مړي او ۵۹ ژوبل کسان راوړل شوي دي .
راپورونه وايي پېښه کې د ملي امنيت غړو ته هم مرگ ژوبله اوختې ده .
جلال اباد کې د ملي امنيتي ادارې په دفتر د شوي بريد پړه وسله والو طالبانو په غاړه اخيستې ده .
1