لاس رسیدونکی لینک

تازه خبر

فټ بال ورلډکپ : جرمني او برازيل کوارټر فائنل مېچونه گټلي


د جرمني ټيم چې له دې وړاندې درې ځله د فټ نړيوال کپ گټلی
د جرمني ټيم چې له دې وړاندې درې ځله د فټ نړيوال کپ گټلی

برازيل کې روان د فټ بال نړيوال کپ په روانو سيالو کې د ټورنامنټ لومړی کوارټر فائنل مېچ د جرمني او فرانس ترمينځ شوی ، چې پکې جرمني فرانس ته په 1ـ 0 ماتې ورکړې ، او سيمي فائينل ته رسېدلی دی .

دوهم کوارټر فائينل بيا د کوربه برازيل او کولمبيا ترمينځ شوی ، او د برازيل لوبغاړو د کولمبيا په ضد په دوه گولونو کولو سره مېچ په خپل نوم کړی ، د کولمبيا ټيم په يو گول کولو کې کامياب شوی ؤ .

کوارټر فائنل کې د جرمني او برازيل بريالۍ شوې لوبډلې به د جولائۍ په اتمه نېټه يو بل ته سيمي فائنل کې مخامخ کيږي .

د جرمني ټيم چې له دې وړاندې درې ځله د فټ نړيوال کپ گټلی ، دا څلورم ځل دی چې د فټ بال نړيوال کپ په ټورنامنټ کې سيمي فائنل مېچ ته په رسېدو کې بريالی شوی دی .

بل لور ته برازيل د کال ۲۰۰۲م کې د فټ بال سيمي فائنل ته رسېدلی ؤ ، او د هغې وروستو بيا دغې مرحلې ته په رسېدو کې نه ؤ بريالی شوی .

که څه هم د برازيل لوبډلې په کوارټر فائنل مېچ کې د کولمبيا ټيم ته ماتې ورکړې ، خو په دغې لوبه کې د برازيل د لوبډلې د سر لوبغاړی ۲۲ کلن ٫٫ نيمار ٬٬ ژوبل شوی ، او ډاکټر يې د معائنې وروستو وئيلي ، هغه وس د دې جوگه نه دی پاتې چې په پاتې نور مېچونو کې ولوبيږي .

د فټ بال نړيوال کپ په مقابلو کې به نن د ارجنټائن او بيلجيئم ، هالينډ او کوسټاريکا لوبډلې په کوارټر فائنل سيالو کې يو بل ته مخامخ کيږي .

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG