مصر د الجزیره نیول شوی خبریال پیټر گریسټا د قید نه ازاد کړو او خپل هیواد اسټریلیا ته يي ولیږلو.
پیټر گریسټا چې د اخوالمسلیمون د ملاتړ په الزام سزا شوی وو او د تیر یو کال نه زیات وخت راهسې په قید کې وو، د مصر صدر عبدالفح السیسي په حکم د اتوار یا شنبې په ورځ ازاد کړی شو.
هغه د قبرص په لار مصر نه اسټریلیا ته روان شو.
پیټر گریسټا قید کې د ۴٠٠ نه زیات وخت تیر کړو. هغه ته په داسې مقدمه کې اووه کاله د قید سزا ورکړی شوي وه چې د انساني حقوقو پلویانو ټوکه گرځولې وه.
گریسټا سره د الجزیره دوه نور خبریالان محمد فهمي او محمد بهار هم نیول شوي وو چې لا نه دي ازاد کړی شوي. فهمي ته اووه کاله او بهار ته ١٠ کاله د قید سزا ورکړی شوي ده.
الجزیره د پیټر گریسټا د ازادیدو هرکلی کړی دی او غوښتنه يي کړې ده چې بهار او فهمي دې هم راخلاص او په هغوي لگول شوي الزامات دې رد کړی شي.