د پاکستان سندهـ صوبې سرښار کراچۍ په ګلستان جوهرعلاقه کې د خاورې کمر راپرېوتو پېښه کې لږ تر لږه ۱۳ کسان مړه شوي ، چې پکې ماشومان او زنانه هم شامل دي .
د کراچۍ ښار د شرقي (ختيزې) ضلعې مرستيال کمشنر اصف صديقي د پېښې په اړه ډيوه ريډيو سره خبرو کې ووئيل ، دغه پېښه چې د ګلستان جوهر په بلاک ون علاقه کې رامنځته شوې او د خاورې کمر په چوپړو راپرېوتی دی ،۱۳ کسان پکې مړه شوي چې پکې دوه زنانه ، دوه سړي او نور ماشومان شامل دي .
د نوموړي په وينا د خاورې د کمر لاندې دوه کورنۍ ګېرې شوي چې تعلق يې د پنجاب صوبې د بهاولپور او رحيم يارخان سيمو سره دی ، هغه ووئيل دا د خواري کښو خلکو چوپړۍ وې او دويې پکې اوسېدل .
د مرستيال کمشنر په وينا د پېښې په ځايې او چاپېره نوره علاقه کې په شاړو ځايونو کې دغه ډول نورې چوپړۍ هم جوړې دي ، او دا خلک پکې په خپله مرضۍ د کورنو سره پاتې کيږي .
د پښې د علت په اړه د نوموړي وينا وه چې يوه تحقيقاتي کميټې به د پېښې پلټنې کوي ، خو داسې معلوميږي چې د يو پلاټ غټولو دپاره دغه ځايې کنستی شوی او کچه کړی شوی ؤ ځکه د خاورې کمر راغورځېدلی او لاندې يې خلک ګېر شوي دي .
هغه ووئيل امدادي کارونه سرته رسېدلي او د مړه شوؤ کسانو خپلو علاقو ته د رسولو دپاره انتظامات کولی شي .
د چارواکو په وينا د پوليس او رېنجرو عسکر موقعې ته رسېدلي او امدادي کارونه يې سرته رسولي دي .
د کراچۍ کمشنر شعيب صديقي وئيلي د ملبې پورته کولو دپاره يې غټه مشينرې موقعې ته لېږلي او د خاورې لاندې ګېر شوي مړي يې راويستي دي .
په کراچۍ ښار کې دغه ډول چوپړۍ ځايې په ځايې جوړې شوي چې زياتره پرې اُور لګي او د خلکو د مرګ ژوبلې سبب ګرځي .