امريکا او ترکي په گډه د شام شمالي علاقې د داعش د ياغيانو څخه د پاکولو منصوبه جوړوي .
امريکې د نهې په ورځ وئيلي چې په داعش د حملې د ګډې منصوبې نه به د ترهګرو په ضد جنګ کې د ترکي برخه نوره زياته شي .
امريکايي چارواکو رسنيو ته وئيلي ، چې د حملې هدف د داعش نه پاکې سيمې " بفرزون" جوړول دي ، او د دې دپاره چې د شام سره مېلاوېدونکې د ترکي د پولې علاقه خوندي شي . خو په دغه کارروايۍ کې د ترکي د دغې سيمې په نو فلائي زون(چې الوت پرې نه کيږي) کې د شاملو پخوانۍ غوښتنه شامل نه ده .
امريکې ته اندېښنه ده چې د شام د حکومت د فضائي حملو ودرولو دپاره د نوفلائي زون جوړولو نه به د امريکايي پوځ د شام د صدر بشارالاسد لرې کولو دپاره د مختلفو ډلو سره د څلورو کالو روان جنګ کې نوره تيزي راشي .
ترکي د ېوې مياشتې د سوچ نه پس په داسې مهال شام کې په وسله والو بمباري پېل کړې ، چې يوه اوونۍ وړاندې په دغه هېواد کې يو ځانمرګي بريد کې ۳۲ کسان اووژل شو او بيا په يوه موټري بمي چاؤدنه کې دوه پوځيان د مينځه لاړل .
د دې ترڅنګ ترکي د ترهګرو په ضد د فضايي عملياتو دپاره امريکې ته د خپلې پوځي اډې ورکولو اجازت هم ورکړو . د کوم له امله چې امريکې ته د عراق نه د راتګ په ځايې په فضائي لار ډېره لنډه شوې ده .
هم په داسې مهال ، د ترهګرو په ضد د ترکي فضائي حملې په شام کې ځمکنۍ جګړه نوره مشکله جوړوي ، چرته چې د شام کُردان د انتهاپسندو په ضد يو کلک قوت ګڼل کيږي . خو انقره په دې اندېښنه کې ده چې دغه قوت په ترکي کې کُرد بغاوت ته هم وده ورکولی شي .
ترکي د خپل امنيت په مسله د بحث دپاره د نهې په ورځ د نېټو خصوصي غونډه رابللې ده ، او نېټو وايي دغه غونډه په وروستيو کې د ترهګرو حملو وروستو حالاتو ته په کتو راغوښتل شوې ده.
د امريکې په ملاتړترکي په شام او عراق کې د داعش او کردانو دوه ځالې په نخښه کړي دي .
د سپينې ماڼۍ وياند د اتوار په ورځ وئيلي چې انقره د خپل دومره حق پورې محدود پاتې کېدل غواړي چې د ترهګرو د عملياتو په ځواب کې د هغويې ځالې په نخښه کړي .
