د پاکستان خېبرپښتونخوا صوبې په صوابۍ ضلع کې نن د گل په ورځ د هوائي پوځ (پي ای اېف) يوه تربيتي الوتکه تباه شوې ، او د الوتکې دواړه پائيلټان پېښه کې روغ پاتې شوي دي .
د پي ای اېف وياند ايئرکموډور اېس اېم علي وئيلي ، (کی ـ۸) تربتي الوتکه د تربيتي الوت په مهال د صوابۍ ضلعې په زېده کلي تباه شوې ده . او د الوتکې دواړه پائيلټان د جهاز نه روغ وتلي دي .
نوموړي وئيلي د پي ای ایف هېډکوارټر لخوا د پېښې د پلټنو دپاره بورډ جوړ کړی شوی دی ، چې د الوتکې د تباه کېدو علت معلوم کړي .
په ځايي ټي وي چېنلو ښکاره کړی شوي چې الوتکه په يو پټې کې پرېوتې ، او اُور پرې لگېدلی دی . راپورونه وايي د الوتکې غورځېدو پېښه کې بل چاته زيان نه دی اوختی .
د روانې مياشت په لمړي سر کې هم د پاکستان يو پوځي هيلي کاپټر د گلگت په نلترسيمه کې تباه شوی ؤ ، چې په نتيجه کې يې د بهرملکي سفيرانو اوهيلي کاپټرد دواړو پائيلټانو په گډون اته کسان وژل شوي وو .
دغه پوځي هيلي کاپټر(اېم ائي ـ۱۷) چې د راکوزېدو په مهال غورځېدلی او تباه شوی ؤ ، د پوځ وياند مېجرجنرل عاصم باجوه وئيلي ؤ ، پېښه د تکنيکي نقص له کبله رامنځته شوې ده .