دپاکستان په بلوچستان اؤ پنجاب صوبو کې دشورو په ورځ دقتل پيښو کې ککړ دوه مجرمان تيزندي کړى شوي دي.
دمحمدموسي په نوم يو مجرم دبلوچستان په مچهـ جيل کې کال ٢٠٠٥م کې دکوئټې په علمدار سړک دلياقت نومې تن دوژلو په جرم کې تيزندي کړى شوى دى.
دهغه درحم اپيل اعلي عدالتونو اؤ دپاکستان صدر رد کړى ؤ، داخله وزارت دموسي دتيزندي کولو امر تير ورځ جاري کړى ؤ اؤ هغه نن تيزندي کړى شو.
کراچۍ کې دفعاله ډلې متحده قومي موومنټ دکارکوونکي صولت مرزا دتيزندي کولو څخه راپديخوا مچهـ کې دغه لمړى تن ؤ چې تيزندى کړى شوى دى.
همدغه شان دپنجاب دفيصل اباد په سنټرل جيل کې په کال ٢٠٠٠ء کې دټهيکريواله په سيمه دانور په نوم ديو ټيکسي ډرائيور دوژلو په جرم کې ذوالفقار نومې تن تيزندي کړى شوى دى.
کال ٢٠٠١ء کې دترهه گرۍ دمخنيوي عدالت هغه ته دترهه گرۍ دمخنيوي دايکټ( اى ټي اى) لاندې دمرگ سزا اورولې وه اؤ دهغه دتيزندي کولو امر تيره ورځ جاري شوى ؤ.
دپاکستان مرکزي حکومت په ١٧م دسمبر،٢٠١٤م کې په ابتدائي توگه هيواد کې يواځې دترهه گرۍ کيسونو کې دتيزندۍ په سزا عمل درامد پيښور کې دپوځ په تابيا په چليدونکي سکول دطالبانو حمله کې د١٥٠ؤ کسانو دوژل کيدو وروستو بحال کړى ؤ، خو وروستو حکومت دمرگ دسزا موندونکو ټولو مجرمانو په سزا عمل درامد بحال کړو.
تير کال په ١٦م دسمبر پيښور کې په سکول دحملې ترسره کيدو څخه راپديخوا دپاکستان مختلفو جيلونو کې تر دې مهاله د100ؤ څخه زيات مجرمان تيزندي کړل شوي دي.
دبشري حقونو ډلو، اروپائي اتحاديې اؤ ملگرو ملتونو پاکستان څخه غوښتنه کړې چې دمرگ په سزا دې عمل درامد اودروي خو دوزيراعظم نواز شريف حکومت دريځ لري چې هيواد يې دغيرمعمولي حالاتو سره مخ دى کوم چې غيرمعمولي گامونو ته اړتيا لري.
