چارواکي وايي دشورو په ورځ دپاکستان د سندهـ صوبې په سرښار کراچۍ کې د ورانکارو په ضد د پوليسو عملياتو کې لږ ترلږه اووۀ ترهگر وژل شوي اؤ دهغوئ څخه په دروند کچ وسله هم پوليسو ته په لاس ورغلې ده.
د پوليس چارواکو په وينا دغه عمليات د کراچۍ په سپرهايي وى د افغانانو د ابادۍ ترڅنگ شوي
پوليس وايي د عملياتو په مهال ورانکارو کلک مقاومت کړى اؤ په په سيمه کې يوه بمي چاؤدنه هم شوې .
دپوليسو له مخې د نښتې په مهال اووۀ ترهگر وژل شوي چې تعلق يې د يو ناچله گرځول شوي تندروه تنظيم سره ښودل شوى خو ازادو سرچينو د پوليسو ددغې دعوې تصديق نۀ دى کړى .
په کراچۍ کې له دې وړاندې هم پوليسو وخت په وخت د ورانکارو په ضد دغسې عمليات ترسره کړي چې په پکې په سوونو کسان وژل شوي .
سمندر ته د نزدې والي له امله کراچۍ دپاکستان ترټولو ستر اقتصادي ښار دى اؤ د تيرو څو کلونو راهسې په دغه ستر ښار کې دسياسي ، مذهبي اؤ فرقه ايزه اختلافاتو په اساس د خلکو د وژل کيدو لړۍ چټک شوې ده .
د روان کال په پايې کې حکومت کراچۍ کې دامنيت ټينگولو په غرض د چاڼيزو عملياتو پيل کولو اعلان کړى ؤ خو ددغو عملياتو باوجود هم وخت په وخت کراچۍ کې د بدامنۍ پيښې رامينځته کيږي
