لاس رسیدونکی لینک

د پینټگان مشر: ایران پرضد به امریکا د سعودي عرب ملاتړ جاري ساتي


سعودي مامورینو سره د خبرو اترو ورسته، جم میټس خبریالانو ته وویل په سیمه کې د ایران هلې ځلې امریکې د سترگو د لاندې دي چې پکې حزب الله ډلې اود شام صدر بشارالسد سره د تهران ملاتړ هم شامل دی

د امریکې د دفاع وزیر جم میټس د سعودي عرب دوره کړې ده او سعودي باچا شاه سلمان او خپل سعودي هم منصب شهزاده محمد بن سلمان سره يي په لیده کاته کې د سیمې په حالاتو او د ایران په کردار خبرې اترې کړي دي.

د شورو، چارشنبې، په ورځ جم میټس سعودي باچا شاه سلمان او خپل سعودي سیال شهزاده محمد بن سلمان سره ولیدل.

د سعودي مشرانو سره په خبرو اترو کې جم میټس د "ایران د ورانکارۍ" پر ضد د سعودي عربستان د کردار په اهمیت زور واچولو.

"مونږ ددې سیمې نه نه ځو...د سعودي مضبوط پوځ، مضبوطې امینیتي ادارې او خفیه ادارې زمونږ په مفاد کې دي،" جم میټس سعودي مشرانو سره د لیده کاته ورسته خبریالانو ته وویل.

د جم میټس د سعودي عرب د دورې نه یوه میاشت وړاندې، شهزاده محمد بن سلمان په واشنگټن کې صدر ډانلډ ټرمپ سره ملات کړی. دواړو رهبرانو په دې خبره اتفاق وکړو چې سیمه کې د ایران د بې ثباتي رارپارونکي سرگرمو دې مخه ونیولی شي.

سعودي مامورینو سره د خبرو اترو ورسته، جم میټس خبریالانو ته وویل په سیمه کې د ایران هلې ځلې امریکې د سترگو د لاندې دي چې پکې حزب الله ډلې اود شام صدر بشارالسد سره د تهران ملاتړ هم شامل دی.

جم میټس د سعودي عرب سفر په داسې وخت کړی دی چې ایران د عدن سمندر ته خپل دوه سمندري جنگي جهازونه لیږلې دي.

ایراني مامورین وايي جنگي بیړۍ يي سیمه کې امنیت دپاره پرځای کړې دي خو امریکا چارواکی وايي په سیمه کې د ایران د سمندري ځواکونو په سرگرمو کې د اضافې له امله په خطا کې نښتې هم پیل کیدی شي.

د منځني ختیځ په سفر سعودي عرب د پینټگان د مشر وړمبی پړاو و. ددې ورسته به جم میټس مصر، قطر او اسرائیل ته ورځي.

XS
SM
MD
LG