لاس رسیدونکی لینک

په افغانستان کې د نړي والو ځواکونو مشر د شمالي وزیرستان سفر کړی دی

  • ایاز گل

Lieutenant General John "Mick" Nicholson

Lieutenant General John "Mick" Nicholson

په افغانستان کې میشته د نړي والو ځواکونو مشر جنرل جان نکلسن د پاکستان قیایلي سیمې شمالي وزیرستان دوره وکړه او د پاکستان فوج ویلي جنرل نکلسن په شمالي وزیرستان کې د پرمختیه د روانو هلو ځلو معاینه وکړه.

د پاکستان فوج د یو بیان ترمخه، جنرل نکلسن او نور دوره کونکې مامورین د شمالي وزیرستان مرکزي ښار میران شاه بازار ته بوتللی شو او هلته يي د روان ترقیاتي کار کتنه وکړه. بیان وايي امریکايي جنرل وسله والو خلاف د پاکستان فوج د عملیاتو ستاینه وکړه.

بیان وايي د پاکستان د فوج مشر جنرل قمر جاوید باجوه هم د جنرل نکلسن سره د شمالي وزیرستان په دوره کې ملگری و.

شمالي وزیرستان په یو وخت کې د گڼ شمیر وسله والو مرکز گڼلی کیدو چې پکې القاعده، طالبان او حقاني ډله مشهور تنظیمونه وو.

خو د کال ٢٠١۴ د جون راهسې د وسله والو خلاف عملیات پیل کولو ورسته پاکستان وايي سیمه د وسله والو څخه پاکه کړی شوي ده. د پاکستان امنیتي مامورین وايي په شمالي وزیرستان کې د وسله والو د بمونو جوړولو او موصلاتو نظام تباه کړی شوی دی او په کاروايانو کې يي د ٣٠٠٠ نه زیات تندلارې وژلې دي.

خو افغان مامورین اوس هم وايي وسله وال او په خصوصي توگه د حقاني ډله د پاکستان د خاورې نه په افغانستان کې حملې کوي. پاکستان دا خبره ردوي.

د پاکستان فوجي بیان وايي د شمالي وزیرستان د دورې نه وړاندې جنرل نکلسن او جنرل باجوه د افغانستان او پاکستان په پوله د امنیت په اړه هم خبرې اترې وکړي.

د پاکستان بیان کې ویل شوي جنرل باجوه په دې خبره زور واچولو چې په سرحد د امنیت دپاره دې دوه اړخیزه نظام پرځای کړی شي او د نیټو مامورینو نه ووغوښتل چې دا خبره یقیني کړي.

بیان وايي جنرل نکلسن په پوله د امنیت په دوه اړخیزه نظام کې د مربوطوالي ضرورت ومنلو.

افغانستان او پاکستان شا او خوا ٢٦٠٠ کلومیټره اوږد شریک سرحد لري. پاکستان وايي د پولې په خپل اړخ يي امنیتي اقدامات کلک کړې دي خو کابل پاکستان سره پوله په رسمي ډول نه پیژني.

XS
SM
MD
LG