لاس رسیدونکی لینک

د امریکې نومنتخب صدر ډانلډ ټرمپ: د خپل شخصي کاروبار نه به ډډه وکړم


ارب پتي ډانلډ ټرمپ په امریکا او د امریکې نه بهر درانه کاروبارونه لري

ارب پتي ډانلډ ټرمپ په امریکا او د امریکې نه بهر درانه کاروبارونه لري

د امریکې نومنتخب صدر ډانلډ ټرمپ ویلي د خپل شخصي کاروبار نه به ځان په مکمله توگه ډډې ته کړي چې دا رنگ يي توجه د صدارت دندې ته وگرځي او د مفاداتو ټکر هم رامنیته نشي.

د نومبر په میاشت کې د ریپلیکن پارټۍ په ټکټ د ډانلډ ټرمپ د صداراتي انتخاباتو گټلو ورسته دا پوښتنې راپورته کیږي چې ایا د صدارت واک اختیار سنبالولو په ترڅ کې به د هغه صدارتي دندې او د هغه پراخه کاروباري مفادات به د یو بل سره ټکر خو نه خوري؟

د شورو، چارشنبې، په ورځ په ټویټر خپل پیغام کې ډانلډ ټرمپ وویل هغه د ډسبمر په ١٥ نیټه په یو خبري کانفرنس کې په دې اړه خبرې کوي.

ټرمپ به د جنورۍ په میاشت کې موجوده صدر براک اوباما نه د صدارت واک اختیار ترلاسه کوي. دا مهال ټرمپ د خپلې کابیني د غړو ټاکلو په تکل کې مختلفو شخصیتونو سره لیده کاته کوي.

هم د شورو، چارشنبې، په ورځ د خزاني وزارت دپاره سټیون منوشین نوم اخیستل شوی دی چې د گولډمین سیکس نومې مالیاتي کمپنۍ مشر دی. د تجارت وزارت دپاره د ویلبر راس نوم اخستیل کیږي چې یو ارب پتي سرمایه کار دی.

د امریکې د صدر په کابینه کې وزیرانو ته سیکریټري ویل کیږي. د خارجه سیکریټري یا خارجه وزیر دپاره د ریپلیکن پارټۍ مختلفو مشرانو نومونه اخستیل کېږي چې پکې د میساچوسټس گورنر مټ رامني، د نیویارک پخوانی ښاروال یا میر روډي جولیاني، د ټینسي ریاست سینټر باب کارکر او د استخباراتي ادارې پخواني مشر ډیوډ پیټریاس شامل دي.

د صحت او د انساني خدماتو د محکمې دپاره د جارجیا ریاست د ایوان نمایندگانو غړي ټام پرایس نوم اخیستل کیږي. هغه په پیشه یو مشهور ډاکټر دی.

ډانلډ ټرمپ ویلي هغه به د اوباما کیر په نوم د صدر اوباما د وخت د صحت د خیر ښیگړې په پروگرام کې تبدیلي کوي. که څه هم په لکونو خلکو ددې پروگرام دلاندې د صحت بیمه ترلاسه کړې ده خو د ریپلیکن پارټۍ د اوباما کیر مخالفین وايي دا به یا خو ختموي او یا به پکې اصلاحات کوي.

XS
SM
MD
LG