لاس رسیدونکی لینک

په ننګرهار کې دوه امریکايي عسکر وژل شوي


US marines in Afghanistan

د امریکايي عسکرو لخوا خپور شوي یو بیان کې ویل شوي دغه پیښه د افغان عسکرو سره د ګډو عملیاتو په وخت هغه مهال رامنځ ته شوی کله چې په دوي برید وشو.

په افغانستان کې امریکايي پوځ ویلي تیره ورځ په ننګرهار ولایت کې دوه امریکايي سرتیري د عملیاتو په وخت وژل شوي او یو بل ژوبل شوی.

د امریکايي عسکرو لخوا خپور شوي یو بیان کې ویل شوي دغه پیښه د افغان عسکرو سره د ګډو عملیاتو په وخت هغه مهال رامنځ ته شوی کله چې په دوي برید وشو.

په دغه بیان کې په افغانستان کې د امریکايي عسکرو مشر جنرال جان نکلسن له خوا ویل شوي ٫٫ د داعش خراسان ډلې پرضد جګړه د نړۍ لپاره ډیره مهمه ده، خو د بده مرغه دغه جګړه د قربانیو بغیر نه کیږي. د امریکايي عسکرو او نړیوالو ملګرو لخوا زه د وژل شوو پوځیانو د کورنیو سره په دې غم کې شریک یم.٬٬

د وژل شوو امریکايي پوځیانو په اړه نور څه تفصیلات نه دي وړاندې کړی شوي.

XS
SM
MD
LG