لاس رسیدونکی لینک

پاکستان کې د ملگرو ملتونو د ادارې مشر ته د دړکې خط لیږلی شوی

  • ایاز گل

په اسلام آباد کې د یو این اچی سي ار دفتر په ډپلومیټک انکلیو کې موجود دی چرته چې زیاتره غیر ملکي سفارتخانې هم موجود دي چې پکې د امریکې سفارت هم شامل دی

د ملگرو ملتونو د کډوالو د خیرښیگړې ادارې یو این ایچ سي ار په پاکستان کې مشر ته یو خط لیږل شوی دی چې پکې ورته د مرگ دړکې ورکړی شوي دی.

په اسلام آباد کې د پولیس یو لوړ رتبه چارواکي وي او ای ته ویلي د یو این ایچ سي ار مشر ته د دړکې تحقیقات يي شروع کړې دي.

پولیس ویلي په سپین موټر کې یو تن په اسلام آباد کې د یواین ایچ سي ار په دفتر مامور محافظینو ته يي خط ورکړو او لاړو. ددغه تن د لټون دپاره کوښښونه پیل کړی شوي دي.

په اسلام آباد کې د یو این اچی سي ار دفتر په ډپلومیټک انکلیو کې موجود دی چرته چې زیاتره غیر ملکي سفارتخانې هم موجود دي چې پکې د امریکې سفارت هم شامل دی.

پولیس ډپلومیټیک انکلیو ته تلونکې هر موټر شمیره درج کوي. او څوک هم بغیر د وړاندې د اړونده دفتر سره د وخت اخستلو نشي تللی.

ایو این ایچ سي ار پولیس سره درج کړی شوي خط شکایت کې ویلي کومې چارواکې ته چې د لیک دلارې دړکه ورکړی شوي ده د هغې نوم میري لوسي دی.

پولیس ته د یو این ایچ سي ار د شکایت نقل وي او ای لیدلی دی، پکې ویل شوي سکیورټي کیمرو د سپین موټر او پکې سور تن تصویرونه اخستې دي خو دغه تصویرونه ډیر معیاري نه دی نو ځکه ترې نه خو د موټر د شمیره او نه ترې د مشکوک تن شناخت کیدلی شي.

د پولیس مامورینو خیال څرگند کړی چې دړکې دغه خط د یو این ایچ سي ددنه چا لیکلی نه چې کومې تندروې ډلې لخوا لیږلی شوی. پولیس دا خبره ځکه هم کوي چې د پولیس د سختې څارنې د لاندې ډپلومیټک انکلیو ته د بهر نه څوک څه رنگ داخلیدی شي.

په پاکستان کې د امنیت حالات کړکیچن دي. په ورستۍ ورځو د مسلح اسلامې تندروه ډلو په حملو کې گڼ شمیر خلک وژل شوي دي.

XS
SM
MD
LG