لاس رسیدونکی لینک

کویت وايي د پنځه اسلامي هیوادونو وګړو ته به ویزې نه ورکوي.


د کویت چارواکو لخوا په یادو هیوادونو باندې دغه بندیز یوه ورځ وروسته له هاغې ولګیده چې د امریکا نوي ولسمشر ډنالډ ټرمپ د اوو اسلامي هیوادونو وګړو ته د ویزو په ورکولو باندې بندیز ولګاوه.

کویتي چارواکو ویلي چې د یادو هیوادونو وګړي د هر ډول ویزو اخیستلو لپاره غوښتن لیکونه هم باید وه نه لیږي. د ویزو په بندیز کې د سیلګرۍ او سوداګرۍ دواړه ډوله ویزې شاملې دي.

خبر زیاتوي په ویزو دغه بندیز ددې لپاره لګول شوی چې په یادو هیوادونو کې امنیتي ستونزې دي او لګول شوی بندیز به هغه مهال لیرې شي چې امنیت پکې غوره شي.

په کویت کې د تیرو څو کلونو پرمهال یوشمیر ترهګریز بریدونه ترسره شوي چې یو یې په ۲۰۱۵ میلادي کال کې د شیعه ګانو په یوه جومات باندې برید وه چې په ترڅ کې يې ۲۷ تنه وژل شوي وو.

XS
SM
MD
LG