لاس رسیدونکی لینک

"دلربا نه راځي" کوک سټوډیو د پښتو فوک خپروي


Fakher Mehmaood

Fakher Mehmaood

د وتلي هنر مندانو زیب بنگش او فاخر په غږ کې د پښتو ژبې فوکلوريزه "دلربا نه راځي" په پاکستان کې د سندرو نشرکونکې لوی اداره کوک سټوډیوز په نوي انداز کې خپره کړه- کوک سټوډیو په پاکستان کې د اردو ژبې نه علاوه په نورو قامي ژبو کې هم سندرې تیاروي خو د پښتنو ژبې د موسیقۍ د هنر مندانو خیال دی چې باید په پښتو سندرو کې د نورو ژبو د یو ځای کولو څخه ډه ډه وشي-

د سندرې لپاره د مطبوعاتو د څانگې یوې کارمندې اُمِ کلثوم ډیوه ریډیو ته ویلي دي چې فاخر محمود او زیب بنگش دواړه وتلي هنر مندان دي او دا سندره یې ډیره ښه تیاره کړیده هغې اوویل دا سندره به په نړۍ کې د پښتنو ډیره خوښه شي-

ويډیو رپورټ وگورۍ

زیب بنگش ډیوه ته په یوه مرکه کې وویل چې دلربا نه راځي دهغې لومړۍ پښتو سندره ده – هغې زیاته کړې چې ډیر زر به د پښتو ژبې پوره البم تیار کړي- زیب وویل د کوک سټوډیو لخوا د پښتو په سندره د فاخر سره په یو ځاېی ویلو ډیره خوشحاله ده-

د ډیو ریډیو همکار د رحمان بونيري سره د زیب بنگش مرکه په لانديني لينک واورۍ

د ډیوه سره په یوه مرکه کې سندرغاړي فاخر وویل چې د هغه د پخوا راهسې دا ارمان ؤ چې د پښتو یوه سنره وواېي، هغه اوویل پلار نیکه یې پښتانه دي او باوجود ددې چې پخپله پښتو ژبه نشي ویلی خو د پښتو سره یې بې کچه مينه ده – فاخر د ېو تپوس په ځواب کې وویل چې په پښتو ویلو کې ورته ځکه څه مشکل نه و چې ټول ملگري یې پښتانه دي-

د ډیو ریډیو همکار د رحمان بونيري سره د فاخر مرکه په لانديني لينک واورۍ

XS
SM
MD
LG