لاس رسیدونکی لینک

هیومن رایټس واچ: جنبش خلاف دې د ملکي خلکو د وژلو په سر تحقیقات وشي


جنبش ملي د افغانستان وړمبي نایب صدر عبدالرشید دوستم حمایت کونکي مسلح ډله ده

جنبش ملي د افغانستان وړمبي نایب صدر عبدالرشید دوستم حمایت کونکي مسلح ډله ده

د انساني حقوقونو یو نړي وال تنظیم په افغان حکومت غږ کړی چې د افغانستان په شمالي فاریاب ولایت کې د ملکي کسانو د قتل عام او د ملکي خلکو خلاف د زور زیاتي د پیښو تحقیقات دې وکړي. تنظیم ویلي د تشدد په دغه پیښو کې جنبش نومې گوند لاس لري.

په نیویارک کې میشته هیومن رایټس واچ نومې غیر حکومتي ادارې ویلي په فریاب کې يي د جون په میاشت کې د شوي یوې حملې ورسته تحقیقات کړې دي چې پکې د جنبش ملي اسلامي د ککړتیا شواهد موندلې دي.

جنبش ملي د افغانستان وړمبي نایب صدر عبدالرشید دوستم حمایت کونکي مسلح ډله ده.

هیومن رایټس واچ ویلي رپورټ يي په فریاب کې د حملې ورسته ځايي خلکو سره د مرکو ورسته تیار کړی دی.

په افغانستان کې ملکي خلکو ته د مشکلاتو په اړه په خپل یو رپورټ کې په افغانستان کې د ملگرو ملتونو دفتر یوناما هم ویلي چې افغان حکومتي عسکرو او د جنبش وسله والو په فاریاب کې د جون د میاشت په ٢٦ نیټه حمله وکړه چې پکې ١٣ کسان ووژل شو او ٣٢ نور زخمیان شول.

کله چې طالب وسله وال د سیمې نه ووتل، د جنبش مسلح کسانو د پښتنو د اکثریتي ابادۍ په څلورو کلو حمله وکړه او په هغوي يي طالبانو د حمایت الزام ولگولو. په دغه حمله کې پنځه ملکي کسان ووژل شو او ١٢ نور زخمیان شول.

د هیومن رایټس واچ مامورین وايي چې ځايي خلکو ورته ویلي په کلو د جنبش د حملې په وخت افغان عسکر نه خو د جنبش وسله وال منع کول او نه يي په زور زیاتي کې ککړ کسان نیول.

ویل کیږي چې صدر اشرف غني هم ددغه پیښې د تحقیقاتو امر کړی دی او د جنبش ځینې غړي نیول شوي هم دي.

د جنبش ترجمان بشیر احمد د هیومن رایټس واچ رپورټ رد کړی او وي او ای ته يي ویلي د ډلې کوم غړي په فریاب کې په حکومتي عملیاتو کې نه وو ککړ.

XS
SM
MD
LG