په قامي اسمبلۍ کې د اپریل په 11 د ایف سي آرد قانون او ارټیکل 247 ختمیدلو لپاره د بل د منظورۍ امکان

د پاکستان په قامي اسمبلۍ کې سبا د اپرېل په لسمه نیټه واکمنه گوند مسلم ليگ (نون) په فاټا کې د آيني بدلون لپاره یو بل وړاندې کوي- په قامي اسمبلۍ کې د قبایلي سیمو څخه غړي شا ه جي گل ويلي دي دغه بل به سبا نه بل سبا د اپریل په 11مه منظور شي- شاه جي گل وايي که دا بل منظور شو نو په فاټا کې به د ایف سي آر قانون او د اين ارټيکل 247 ختم شي، فاټا کې به د صوبايي اسمبلۍ د انتخاباتو منظوري ورکړې شي او هلته به د عدالتونو اختیار وغځول شي.