لاس رسیدونکی لینک

د شمالي کوریا مسلې حل کولو ته په يواځې تيار يُو، ټرمپ


امریکايي پوهانو خبردار ورکړی چې شمالي کوريا د شپږمې ايټمي تجربې منصوبه جوړوي،

د امريکې صدر ډونلډټرمپ ویلي که چرته چين د شمالي کوريا مسله حل کوي نو"مونږ يې کولي"شو.

صدر ټرمپ د لندن "فائنانشل ټائمز" ته په مرکه کې ويلي "چين په شمالي کوريا ډېر اثر لري، او چين ته به دا پرېکړه کول وي چې د شمالي په لړ کې زمونږ مرسته کوي يا نه کوي... او که نه کوي نو دا به د چا دپاره هم ښه نه وي".

ټرمپ دغه خبرې په داسې مهال کړي چې نوموړی د زيارت په ورځ د فلورېډا سېلګرۍ په ځای مارالاګو کې د چين صدر ژي جينګ پينګ مېلمستيا کوي.

په دغه دوه ورځنۍ ليدنه کې به د دواړو مشرانو توجه په شمالي کوريا او د دغه ملک په ايټمي پروګرام ، ګواښونو او بندېزونو وي.

امریکايي پوهانو خبردار ورکړی چې شمالي کوريا د شپږمې ايټمي تجربې منصوبه جوړوي، ټوکيو په فرروۍ کې ويلي ؤ د جاپان په سمندر کې د شمالي کوريا د بېلسټک ميزائل ويشته د "زغملو نه" دی.

د ملي امنيت صلاح کار کی ټي مکفېرلنېډ فائنانشل ټايمز ته ويلي دا شونې ده چې شمالي کوريا سره د صدر ټرمپ د انتظاميې د ختمېدو د نېټې ۲۰۲۱م پورې دا صلاحيت وي په ايټمي وسلو امريکا په نخښه کړي.

په ملګرو ملتونو کې د امریکا استازې نکي هېلې ويلي وخت راغلی چې چين ګام پورته کړي او دا خبره پرېږدي چې دوي هم په دغه اړوند اندېښنې لري.

هېلې ويلي " دوي به دا ښکاره کوي چې کوم ډول اندېښنې لري، اړتيا دې ته ده چې په شمالي کوريا فشار واچوي، چين يواځینی ملک دی چې شمالي کوريا منع کولی شي".

XS
SM
MD
LG