لاس رسیدونکی لینک

په روس کې د سلګونو مظاهره چیانو نيول امريکا په سخته غندلي دي


نوالني د کريملن غټ ناقد دی نوموړی هغه وخت ونيول شو چې کله په ماسکو کې لاريون کې د ګډون دپاره ورسېدو،

امریکا په روس کې د حکومت مخالفه مشر په ګډون د سلګونو مظاهره چيانو د نيولو په سختۍ سره غندنه کړې ده.

د اتوار په ورځ د روس د اپوزيشن مشر اليکسي نوالني په غږ په د ملک په بېلابيلو ښارونو کې د زرګونو په شمېره کې خلک په سړکونو راوتي او په ملک کې د بډو رشوتونو او غبن د احتساب غوښتنه يې کوله.

د ماسکو په پشکن چوک باندې جمع شوؤ کې نزدې ۵۰۰ کسان پوليسو نيولي او ويلي يې ؤ دوي بغېر د اجازت نه مظاهره کوله.

د امريکې د خارجه محکمې وياند مارک ټونر په يو بيان کې ويلي "د پُرامنه مظاهرينو، بشري حقونوفعالانو او خبريالانو نیول د بنيادي جمهوري اقدارو سپکاوی دی".

هغه ويلي د کال ۲۰۱۸م په صدارتي انتخاباتو کې د برخې اخستو اراده لرونکي نوالني په نيولو امریکا اندېښمنه ده.

نوالني د کريملن غټ ناقد دی نوموړی هغه وخت ونيول شو چې کله په ماسکو کې لاريون کې د ګډون دپاره ورسېدو، راپورونه وايي دلته په سلګونو کسان موجود وو.

په ۲۰۱۱م او ۲۰۱۲م کې په پارليماني انتخاباتو کې د درغلۍ د خبرونو مخې ته راتلو وروستو د مظاهرو نه پس دا تر ټولو منظمې مظاهرې ګڼل کيږي.

په مظاهرو کې ګډون والو ويلي د غبن او بډو رشوتونو په ضد د خپل اظهار دپاره راوتي دي.

روانه مياشت يو راپور خپور شوی چې پکې په وزيراعظم دمتري ميدويدوف باندې تور لګېدلی چې د يو سرکاري تنظيم د لارې يې ډېری مراعات ترلاسه کړي دي.

د رپورټ مخې ته راتلو وروستو نوالني د احتجاجي مظاهرو اعلان کړی ؤ، په يوټيوب دغه رپورټ د يو کروړ لس لاکه نه زيات ځله کتل شوی دی.

نوالني په خپله ويب پاڼه ويلي ویلي ؤ د روس په ۹۹ ښارونو کې د مظاهرو منصوبه جوړه شوې ولې په دغو کې په ۷۲ ښارونو کې چارواکو اجازه نه ده ورکړې.

د روس دولتي ميډيا د دغو مظاهرو ډېر کم کوريج کړی او په يو مختصر رپورټ کې يې ويلي په ماسکو کې په يوه غېرقانوني لاريون کې يو پوليس ژوبل شوی دی.

XS
SM
MD
LG