لاس رسیدونکی لینک

تازه خبر

بهرملکي لوبغاړي د پي اېس اېل فائنل له لاهور ته نه راځي


د کرکټ د نړیوالو لوبغاړو اتحاديې هم لوبغاړو ته د لاهور نه تلو مشوره ورکړې ده.
د کرکټ د نړیوالو لوبغاړو اتحاديې هم لوبغاړو ته د لاهور نه تلو مشوره ورکړې ده.

د کوئټه ګلېډي اېټرز په ټيم کې شامل درې بهر ملکي لوبغاړو ويلي د پاکستان سُپرليګ (پي اېس اېل) فائنل کې لوبېدو دپاره لاهور ته نه ځي.

د پي اېس اېل دويمې مېلې فائنل د پنجاب صوبې سر ښار لاهور کې ټاکل شوی دی، او کوئټه ګلېډي اېټرز ټيم د نهې په شپه د پېښورزلمي ټيم ته ماتې ورکړې او فائنل ته رسېدلی دی.

د کويټه ګلېډي ایټرز په ټيم کې شامل د انګلېنډ درېو لوبغاړو کیون پيټرسن، ليوک رائټ او ټائمل ملز په ټويټر د پي اېس اېل فائنل دپاره لاهور ته د نه راتلو ويلي دي.

ولې د پېښور زلمي ټيم مالک جاوېدآفريدي ډيوه ريډيو ته ويلي، که د پېښور زلمي ټيم فائنل ته ورسېدو نو د ټيم ټول لوبغاړي يې لاهور تلو ته تيار دي.

د پېښور زلمي ټیم د کپتان سره په سکوارډ کې اووه بهرني لوبغاړي شامل دي.

بل لور ته د د کرکټ د نړیوالو لوبغاړو اتحاديې هم لوبغاړو ته د لاهور نه تلو مشوره ورکړې ده. راپورونه وايي بهر ملکي کمېنټرېټران هم لاهور ته نه راځي.

د پي اېس اېل فائنل مېچ به په پینځم مارچ کيږي.

ګوئټه ګلېډي اېټرز فائنل ته رسېدلی او نن د چهارشنبې په ورځ د اسلام اباد يونائټډ او کراچۍ کنګز ترمنځ لوبه کې ګټلی ټيم به بیا د پېښور زلمي سره مخامخ کيږي. او په دغه مېچ کې ګټلی ټیم به فائنل ته ورسي.

پاکستان کې د امنيت له سببه د پي اېس اېل مېچونه په متحده عرب اماراتو کې روان دي، ولې د پي اېس اېل چارواکو ويلي ؤ فائنل به په لاهور کې کوي.

په کال ۲۰۰۹م کې لاهور کې د سري لنکا په کرکټ تيم د برید وروستو پاکستان ته بهر ملکي ټیمونه نه راځي.

د پي اېس اېل او پاکستان کرکټ بورډ چارواکو هيله څرګنده کړې وه چې د پي اېس اېل فائنل کې به بهر ملکي لوبغاړي لاهور ته راشي او دغه شان به د نړيوال کرکټ پاکستان ته راتګ لار هم هواره شي.

ولې په وروستيو کې د پاکستان په بېلابيلو برخو او په خصوصي توګه لاهور کې د ترهګرۍ د پېښې رامنځته کېدو سره د پي اېس اېل په فائنل مېچ لاهور کې په کېدو سوالونه راپورته شوي وو.

د نهې په ورځ د پنجاب صوبايي حکومت اعلان کړی چې د لاهور په قذافي سټيډيم کې به د پي اېس اېل فائنل کیږي اوصوبايي حکومت ورته د امنيت تياری نيولی دی، راپورونه وايي د کرکټ مېدان پوځ په ولقه کې اخستی او هم پوځ به د لوبې په مهال د میدان امنيت ساتي.

بل لور ته په ځايي ټي وي چېنلو ښودل کيږي چې د فائنل مېچ کتلو د ټکټونو دپاره د اوس نه خلک د بېنکونو مخې ته په قطارونو کې ولاړ دي، ولې ځينې خلک وايي چې د ټکټونو بیعې ډېرې ګرانې اېښودی شوي دي.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG