لاس رسیدونکی لینک

پاکستان او افغانستان به د ترهګرۍ ضد مېکانزم باندې خبرې وکړي


د کابل او اسلام اباد لخوا په وروستيو کې په يو بل د تورنو لګولو لړۍ سېوا شوې چې خپله خاوره په ترهګرۍ کې د بل په ضد کاروي.

د کابل او اسلام اباد لخوا په وروستيو کې په يو بل د تورنو لګولو لړۍ سېوا شوې چې خپله خاوره په ترهګرۍ کې د بل په ضد کاروي.

پاکستان ويلي افغانستان سره به راتلونکې اوونۍ په پوله د ترهګرۍ په اړوند پېښو د مخې نيولو دپاره ګډ مېکانزم جوړولو باندې خبرې وکړي.

د پاکستان د وزیراعظم نوازشريف د بهرنو امورو صلاح کار سرتاج عزيز د خالي په ورځ خبريالانو ته ويلي اسلام کې د جوړېدونکې سيمه ييزې غونډې په مهال به په موضوع باندې افغان خارجه وزير صلاح الدين رباني سره خبرې وکړي.

نوموړي ويلي رباني پخلی کړی چې د لوړ پوړو چارواکو سره به د ۱۰ هېوادونو د اقتصادي همکاريو سازمان (اي سي او) کې ګډون کوي.

سرتاج عزیز ويلي دواړه هېوادونه ترهګري ګډدښمن بلي او صلاح دي چې د دې مخې نيولو دپاره مرستو ته اړتيا لري.

نوموړی ویلي "د دغه مقصد دپاره خبرې کوو مېکانزم جوړؤ، په پوځي کچ، استخباراتي، سياسي او بهرنو چارو د دفتر په کچه باندې، مونږ (پاکستان) افغانستان ته خپل تجويزونه ورلېږلي او که چرته افغانستان پرې صلاح شو، زه هیله مند يم د (اي سي او) په غونډه کې به پرې تړون شي".

د کابل او اسلام اباد لخوا په وروستيو کې په يو بل د تورنو لګولو لړۍ سېوا شوې چې خپله خاوره په ترهګرۍ کې د بل په ضد کاروي.

پاکستان په هېواد کې روانه مياشت د ځانمرګو او نورو بريدونو تور په افغانستان لګولی چې بريدګر د افغانستان نه راوړېدلي او هلته يې پناه اخستې ده.

د پاکستان پوځ افغان حکومت ته د ۷۶ وسله والو مشرانو يو فهرست ورکړی چې په ضد يې عمليات يې وکړي.

کابل د پاکستان تورونه رد کړي او اسلام اباد ته يې د ۸۵ جنګيالي کمانډرانو او د ۳۲ تربيتي مرکزونو فهرست ورکړی چې پاکستان کې موجود وسله وال په افغانستان کې تشدد او بدامني جوړوي.

افغان خارجه وزارت د پاکستان لخوا ورکړی شوي فهرست په ځواب کې ويلي دوي په دې غور کوي او زياته کړې يې ده دوي دپاکستان نه هم د کابل د ورکړی شوي فهرست په اړوند هيلې لري.

پاکستان په وروستيو کې په ملک کې د ترهګرۍ د پېښو او د سندهـ صوبې په سېهون کې د روانې مياشتې په ۱۶م نېټه د لعل شهباز قلندر په مزار د شوي برید وروستو افغانستان سره پولې تړلي دي.

سرتاج عزيز ویلي هيله مند دی چې ډېر زر به پوله خلاصه شي.

د لعل شهباز په مزار شوي برید کې د ۹۰ پورې کسان وژل شوي او زمه واري يې داعش قبوله کړې وه.

XS
SM
MD
LG