د پاکستان امنيتي ادارو په ردالفساد نومې عملیاتو کې په بلوچستان، خېبر ايجنسۍ او راولپنډۍ کې عمليات کړي او د ۱۳ افغانانو په ګډون پکې ۴۰ مشکوک کسان نيول شوي او په غټه کچه وسله ترلاسه شوې ده.
د پاکستان پوځ د چهارشنبې په ورځ ۲۲م فرورۍ د ردالفساد په نوم په ټول ملک کې د ترهګرۍ په ضد عملیاتو پېل کولو اعلان کړی دی.
د پوځ مطبوعاتي څانګې ائي اېس پي ار ترمخه د زیارت په ورځ د بلوچستان صوبې لورالايې کې د ملېشې ځواکونو او استخباراتي ادارو په ګډه ترسره کړو عملياتو کې ۲۳چاؤدېدونکي بمونه ترلاسه کړي دي.
د پوځي بيان ترمخه بمونه سيمې ته د ټي ټي پي لخوا منتقل شوي او هدف يې د لورالايي پوهنتون د محصلينو بسونه ؤ، ائي اېس پي ار ويلي په وخت عملیات وشو او د ترهګرۍ غټ پلان شنډ کړی شوی دی.
راپورونه وايي د قبايلي سیمې خېبرايجنسۍ په بګان او تهل علاقه کې هم په عملیاتو کې په غټه کچه وسله ترلاسه کړې ده.
او نيم پوځې دستې رېنجرو د زیارت په ورځ د پنجاب صوبې په پېنډۍ ښار کې په خپلو وړومبو عملياتو کې د ۴۰ مشکوک کسانو د نيولو دعوه کړې ده.
دغه عمليات په ډهوک هسو، ډهوک مټکيال، ډهوک رټا امرل او ګلي لوهارا کې ترسره شوي دي.
د ردالفساد لاندې په پنجاب صوبه کې رېنجرز ځواک هم په ځای شوی او دا د رېنجرو وړومبي عمليات ؤ.
پېنډۍ کې چې په کومو علاقو کې عمليات شوي په دغو ځایونو کې زياته ابادي د پښتنو، هزاره والو او کشميريانو ده. راپورونه وايي قانون نافذونکو ادارو د ۱۳ افغانانو په ګډون ۴۰ مشکوک کسان نيولي دي، عملياتو کې شپږ کلاشنکوفونه، اووه تماچې او کارتوس ترلاسه کړی شوي دي.
