لاس رسیدونکی لینک

امریکايي هوايي ځواکونو په جنوبي افغانستان کې طالبان په هدف کړي


امریکا اعلان کړی دی چې د روان کال په اخره کې هلمند د ۳۰۰ عسکرو یوه ډله وروليږي چې دغه ښار د طالبانو نه وساتي.

امریکايي ځواکونو د نهې په ورځ ویلي د افغان امنیتي ځواکونو په مرسته يې د هېواد د جګړو سره مخ جنوبي صوبې هلمند په مرکزي ضلع کې د طالبانو په قوي مرکزونو هوايي بریدونه کړي دي.

د ګل د ورځې د سهاره راسې په سنګین ولسوالۍ (ضلع) کې د وسله والو او امنیتي ځواکونو ترمنځ سختې نښتې روانې وې او وسله والو د نورو بریدونه هڅې کولې.

د امریکايي پوځ ویاند وایس اف امریکا ته د نهې په ورځ ویلي په تېرو ۲۴ ساعتونو کې په سنګين او چاپېره علاقو کې يې اندازً لس بریدونه ترسره کړي دي.

ویاند په لیکلي بیان کې د نورو معلوماتو ورکولو پرته ویلي ( په دغو بریدونو کې د طالبانو د جګړو ځایونه په هدف شوي دي، او مونږ به د سنګین د طالبانو په ساتلو کې د خپلو افغان همکارانو ملاتړ کوو).

افغان اجرايي رئیس عبدالله عبدالله د نهې په ورځ د هلمند مرکز لشکرګاه ته ورغلی چې د امنیتي ځواکونو جاج واخلي.

د سرکاري بیان ترمخه عبدالله امنیتي ځواکونو ته هدایات ورکړي چې د پسرلي په موسم کې د جګړې تودېدو نه وړاندې د هلمند څخه وسله وال په شا کړي.

د طالبانو ویاند قاري یوسف احمدي د ګل په ورځ ویلي، جنګیالو يې لږترلږه ۲۵ دولتي پوستې نیولي او د ۱۰۰ نه زیات پولیس او عسکر يې وژلي دي.

سیمه ییز پوځي مشر جنرال ولي محمد وایس اف امریکا ته ویلي وسله وال د عامو خلکو د کورنو څخه ټنلونه (سورنګونه) کیندي او د هغې د لارې بریدونه کوي.

د هلمند زیاتره برخه د طالبانو په لاس کې ده، حکومت یواځې مرکز لشکرګاه او د چاپېره څو ضلعو مرکزونه په لاس کې لري.

امریکا اعلان کړی دی چې د روان کال په اخره کې هلمند د ۳۰۰ عسکرو یوه ډله وروليږي چې دغه ښار د طالبانو نه وساتي.

XS
SM
MD
LG