لاس رسیدونکی لینک

۲۰۱۶م کال کې افغانستان کې ۱۴ خبریالان وژل شوي


په ۲۰۱۶م کال کې افغانستان کې ښځينه خبریالانو ته ورپېښې ستونزې یا د هغوي په وړاندې د تاؤتریخوالي کچه کمه شوې،

په ۲۰۱۶م کال کې افغانستان کې ښځينه خبریالانو ته ورپېښې ستونزې یا د هغوي په وړاندې د تاؤتریخوالي کچه کمه شوې،

په افغانستان کې د ازادو رسنیو ملاتړ کوونکې ادارې (نی) ویلي په کال ۲۰۱۶م کې افغانستان کې ۱۴ خبریالان وژل شوي او دغه کال يې د افغان خبریالانو دپاره خونړی بللی دی.

د ادارې د یوې سروی راپور ترمخه که څه هم په ۲۰۱۶م کال کې افغانستان کې ښځينه خبریالانو ته ورپېښې ستونزې یا د هغوي په وړاندې د تاؤتریخوالي کچه کمه شوې، ولې بیا هم د افغان خبریالانو په وړاندې په پوره کال کې د تاؤتریخوالي ۴۱۵ پېښې رپورټ شوي دي.

د نی ادارې مشر عبدالمجیب خلوتګر ویلي، په کال ۲۰۱۶م کال کې ۱۴ افغان خبریالان وژل شوي، ۲۳ ژوبل شوي او ۴۳ باندې تشدد شوی دی.

د خلوتګر په وینا په دغه کال کې ۳۳۸ خبریالانو ته د وژل کېدو ګواښونه هم شوي دي.

نی ویلي چې په ۲۰۱۶م کال کې د افغان خبریالانو په اړه شوې سروی کې نزدې د ۲۸۰ ښځينه خبریالانو سره هم مرکې شوي او د هغوي په وړاندې په دفترو یا دفترو نه بهر د تاؤ تریخوالي په اړه پوښتنې شوي دي.

د اداې مشر عبدالمجیب خلوتګر ویلي ۸۳.۲ فیصده ښځینه خبریالانو ورته ویلي چې د تاؤتریخوالي سره مخ شوي دي، نوموړي د کال ۲۰۱۵م هغه شمېره نه ده ویلې چې ښځو سره د تاؤتریخوالي څومره پېښې ثبت شوي ولې ویلي يې دي چې سږ دغه کچه راټيټه شوې ده.

XS
SM
MD
LG