د پښتو فلمونو نومیالی ستوری ښاغلی عمردراز د جمعې په ماسخوتن د ۷۱ؤ کالو په عمر کې د ورپیښې ناروغۍ له امله پحق رسیدلی.
ټاکل شوې ده د ښاغلي عمردراز جنازه به د خالي په سحر یوولس بجې د پيښور په فقیر اباد سیمه کې اداکیږي .
ښاغلی عمردراز شپږ ورځې وړاندې د فالج د ناروغۍ ښکار شوی ؤ چې ددغه ناروغۍ سره سم د خیبر پښتونخوا د ایبټ اباد په ایوب میډیکل کمپلیکس کې د علاج لاندې ؤ خو دوه ورځې اګاهو د ډاکټرانو په وینا د پیښورلیډي ریډنګ هسپتال ته راوړل شوی ؤ.
د پیښور دلیډي ریډینګ هسپتال د ترجمان ښاغلي ذوالفقارعلي باباخیل له مخې د جمعې په ماسخوتن ښاغلي عمردراز د پيښور په لیډي ریډنګ هسپتال کې ساه ورکړې ده.
د عمردراز تعلق د پيښور سره ؤ اؤ د هغه پلارښاغلي خلیل خان هم د فن د دنیا سره تعلق لرلو.
په کال ۱۹۶۸ کې ښاغلي عمردراز د خپل فني ژوند پیل د پاکستان ټیلي ویژن څخه کړی ؤ .
په کال ۱۹۷۰ کې ښاغلي عمر دراز د پښتو فلم دره خیبر څخه د خپل فلمي ژوند پیل وکړو اؤ بیا یې لږ تر لږه په درې نیمو سوؤ فلمونو کې خپل هنري صلاحیتونه د فلم مینه والو ته وښودل.
ښاغلي عمردراز په پښتو فلمونو کې زیاتره د ولن کردارونه ترسره کړي اؤ په دغو کردارونو کې یې دومره ژوند اچولی چې نن هم په فلم دا ګز دا میدان کې د عمردراز د کږې خولې اؤ منفردې لهجې کردار د پښتو فلم بینو په زړونو اؤ ذهنونو نفش دی.