د پاکستان د بلوچستان صوبې په سبّي ضلع کې امنیتي چارواکو ویلي د نهې په ورځ يې پينځه مشکوک وسله وال وژلي دي.
د بلوچستان د ملېشې ویاند ویلي د وسله والو د ولقې لاندې د هغوي څلور ځالې هم تباه کړی شوي دي.
ویاند ویلي د ملېشې او امنیتي ادارې سرتيرو د سبّي په تالي علاقه کې عمیلیات کړي او وسله والو سره په نښته کې پينځه وسله وال وژل شوي دي.
امنیتي ځواکونو ادعا کړې چې د وسله والو د ولقې څخه يې وسله هم ترلاسه کړې ده.
د ملېشې ویاند ویلي وژل شوي وسله وال په ملي تاسیساتو، امنیتي ځواکونو او مسافرو په اورګاډو بریدونو کې ککړ وو.
تالي د سبّي حساسه سیمه ګڼل کيږي او دغلته په امنیتي ځواکونو او ملي تاسیساتو باندې د یوې مودې نه بریدونه کيږي.
د پاکستان بلوچستان صوبه د تېرې یوې لسیزې راهسې د تشدد او بدامنۍ د پېښوښکار ده، دغلته وسله والې ډلې او بېلتون خوښه بلوڅ هم شتون لري. د افغانستان سره په پوله پرته دغه صوبه کې القاعده سره اړونده او فرقه ییزه وسله وال هم فعالیتونه لري.
