لاس رسیدونکی لینک

د سپین پوستکو نسل پرستو سره يې هیڅ اړیکې نشته، ټرمپ


ټرمپ ویلي باوري دی چې کانګرس سره به ورته معاملو حل کولو کې کومه ستونزه نه ورپېښيږي،

ټرمپ ویلي باوري دی چې کانګرس سره به ورته معاملو حل کولو کې کومه ستونزه نه ورپېښيږي،

د امریکا نوي ټاکل شوي صدر ډونلډټرمپ ویلي په امریکا کې يې د سپین پوستکو د نسل پرست تحریک سره هیڅ اړیکی نشته.

د نهې/سه شنبې په ورځ نیویارک ټائمز ورځپاڼې سره په مرکه کې ډونلډ ټرمپ ویلي هغه د نسل پرستو تحریک ته وده ورکول نه غواړي او که چرته د هغه (ټرمپ) د ټاکنې سره دا تحریک ښه کېدو پله روان دی نو هغه به پرې ځان پوهه کوي چې داسې ولي وشو.

د څیړونکو ترمخه د ټرمپ په صدارتي ټاکنه کې سپين پوستکو مهم رول لوبولی دی، ځکه چې د مهاجرینو د راتلونکې په اړه او نورو چارو باندې د ټرمپ بیانونه او ژمنې د دغه ډلې د نظریاتو سره نزدې وې.

ټرمپ په مرکه کې ویلي د ماحولیاتي بدلون په اړوند د پېرس تاريخي تړون کې د امریکا پاتې کېدو یا تلو پرېکړه به د جاج اخستو وروستو کوي.

انتخابي کمپاين کې نوموړي ویلي ؤ په واک کې د راتلو وروستو به دغه تړون پرېږدي ځکه چې دا د امریکا د معیشیت دپاره تاواني دی.

ولې د نیویارک ټائمز په دفتر کې مدیرانو او خبریالانو سره په لیدنه کې هغه وویل د دغه تړون جاج اخلي.

ډونلډ ټرمپ به خپل انتخابي کمپاين کې نیویارک ټائمز باندې د هغه سره د تعصب کولو نیوکې کولې، او د سه شنبې په ورځ د مرکې نه لږه شيبه وړاندې ټرمپ په ټویټر پېغام کې د ورځپاڼې د خبریالانو سره لیدنه ځنډولې، ولې وروستو يې بیا خپله خبره واپس اخستې او مرکه يې کړې ده.

نوموړي په مرکه کې د خپل کاروبار په اړوند سوالونو ته د ځواب ویلو نه ډډه کړې ده خو د کاروباري ګټو او صدر په توګه د زمه وارو په اړوند پوښتنې په ځواب کې نوموړي ویلي د هغه زیاتې کاروباري پنګې د جائيداد په شکل کې دي او د هغې خرڅول ګران دي.

ټرمپ ویلي باوري دی چې کانګرس سره به ورته معاملو حل کولو کې کومه ستونزه نه ورپېښيږي، د کوم په دواړو اېوانونو کې چې د ريپبلکن ګوند سره اکثریت دی.

XS
SM
MD
LG