لاس رسیدونکی لینک

کراچۍ: امام بارګاه مخې ته چاؤدنه کې یو ماشوم مړ، ۲۴ ژوبل


د امام بارګاه مخې ته دغه چاؤدنه په داسې حال کې شوې چې امام بارګاه کې دننه مجلس روان ؤ.

د امام بارګاه مخې ته دغه چاؤدنه په داسې حال کې شوې چې امام بارګاه کې دننه مجلس روان ؤ.

د پاکستان تر ټولو غټ ښار کراچۍ کې د شیعه ګانو د يوې امام بارګاه مخې د لاسي بم په چاؤدنه کې یو ۱۳ کلن هلک وژل شوی، د ماشومانو او ښځو په ګډون پکې نور ۲۴ کسان ژوبل شوي دي.

د پولیسو په وینا د کراچۍ ښار په لیاقت اباد سیمه کې د (در عباس) نومې امام بارګاه مخې ته نامعلومو موټر سائیکل سورو کسانو لاسي بم ویشتی او هغه چاؤدی دی.

د چارواکو په وینا د چاؤدنې په نتیجه کې ۱۳ کلن فراز وژل شوی، د ماشومانو او ښځو په ګډون پکې ۲۴ نور کسان ژوبل شوي دي.

د امام بارګاه مخې ته دغه چاؤدنه په داسې حال کې شوې چې امام بارګاه کې دننه مجلس روان ؤ.

پېښه کې ژوبل کسان عباسي شهید روغتون ته وړل شوي دي.

د روغتون د حادثاتي څانګې مشر ډاکټر جهانزېب رسنیو سره خبرو کې ویلي په ژوبلو کې د درېو ښځو روغتیايي حالت ښه نه دی او په نورو کې ځینې د درملنې وروستو لېږل شوي دي.

د کراچۍ د پولیس مشر اډيشنل ايي جي مشتاق مهر په وینا د محرم په میاشت کې د دوې ټول پام په مرکزي مجلسونو او جلسونو باندې وي چې ساتنه يې وکړي.

نوموړي وویل د شیعه ګانو ځینې مجلسونه په کورونو یا شخصي ځایونو کې روان وي او چې کوم حساس وي د هغو د ساتنې دپاره پولیس په ځاې کولی شي.

د پولیس مشر په وینا دوې دپېښې پلټنې پېل کړي دي.

د امام بارګاه مخې ته شوې لاسي بم چاؤدنې زمه واري په سمدستي ډول چا نه ده منلې.

نزدې لس ورځې وړاندې په کراچۍ کې د پولیس د ترهګرۍ په ضد عملیات کوؤنکې څانګې سي ټي ډي چارواکو ویلي ؤ چې د لاقانونه ګرځول شوؤ ډلو القاعده برصغیر، لشکرجهنګوي او سپاه صحابه نهه ترهګر يې نیولي دي.

د سي ټي ډي چارواکو ویلي ؤ نیول شوؤ ترهګرو په محرم کې په کراچۍ کې د ترهګرۍ منصوبه جوړوله، نیول شوي کسان او د هغوې نه ترلاسه شوې وسله رسنیو ته ښکاره کړی شوي وو.

XS
SM
MD
LG