د صدر اوباما انتظاميې د خالي په ورځ ویلي د یمن په جګړه کې د سعودي عرب په مشرۍ اتحاد سره ملاتړ کولو ته بیا کتنه کوي ، دا په داسې حال کې چې د یمن په پلازمینه صنعا کې په یوه جنازه هوايي برید کې ۱۴۰ کسان ژول شوي او د ۵۰۰ نه زیات نور ژوبل شوي دي .
یو بیان کې د ملي امنیت د شورا ویاند نیډپرایس جنازه باندې شوي هوايي برید باندې د خفګان څرګندونه کړې او ویلي دی داسې ښکاري چې يمن کې به ولسي وګړو باندې دا بریدونه روان وي .
پرایس ویلي د سعودي عرب سره د امریکا امنیتي مرستې خالي چيک نه دی او د سعودي په مشرۍ د یمن عملیاتو کې امریکا د وې ملاتړ ډېر کم کړی دی .
د خالي په ورځ چې په کومه جنازه برید شوی د هغې ځاې نه لا کره معلومات هم مخې ته نه دي راغلي چې څومره زیان اوړېدلی دی .
راپورونه وايي په دغه برید کې د یو نه زیاتې مېزايلې ویشتل شوي او د کال ۲۰۱۵م د مارچ د میاشتې نه په یمن کې پېل کړی شوؤ د سعودي عرب په هوايي بریدونو کې تر ټولو خونړی برید ؤ .
سعودي عرب په دغه پېښه کې د لاس لرلو خبره رد کړې او یو ځايي راپور کې ویل شوي چې دا ځانمرګی برید ؤ .
یمن کې د ملګرو ملتونو رابطه کار ویلي په دغه برید کې د ۵۰۰ نه زیات کسان ژوبل شوي دي . دغه جنازه چې په هدف شوې وه دا ایراني ملاتړ لرونکو حوثي یاغیانو حکومت د داخله وزیر جلال الرویشان د پلار وه .
د سعودي عرب په مشرۍ د سيمې سُني هېوادونه د یمني صدر عبدالربو منصور هادي د حکومت د مرستې په توګه حوثي یاغیانو باندې بریدونه کوي .
د ملګرو ملتونو د شمېرې ترمخه د اتحادي ځواکونو په بریدونو کې د ۴۰۰۰ نه زیات خلک وژل شوي دي .