دافغانستان ننګرهار ولايت کې دچارواکو وينا ده چې اچين ولسوالۍ کې ترسره شوو ځمکنو او هوايي بريدونو کې دتندروه ډلې داعش ٥٦ جنګيالي وژل شوي دي.
دننګرهار ولايت په ځينو برخو کې دداعش جنګيالي دتيرکال راهسې فعاله دي او هغوي دحکومتي ځواکونو او مقامي کليو په ضد ګڼ بريدونه ترسره کړي دي.
دافغان خبري ادارې پژواک ترمخه دننګرهار دپوليسو وياند حضرت حسين مشرقيوال ويلي دي چې دغه عمليات دملي او بين المللي ځواکونو لخوا په ګډه توګه ترسره شوي دي، دهغه په قول دغو عملياتو کې دداعش ٥٦ جنګيالي وژل شوي دي.
هغه دا هم ويلي دي چې دغو عملياتو کې امنيتي ځواکونو او ولسي وګړو ته څه رقم مرګ ژوبله نه ده اوښتې.
اوس اوس دامريکا غږ يو راپور کې دمقامي مشرانو له خُلې ويل شوي وؤ چې دپاکستان دپولې سره نزدې افغان او امريکايي ايتلافي ځواکونو دختيځ ولايت ننګرهار زياترو ولسواليو څخه دداعش جنګيالي له مينځه وړيدي خو داعش په اچين او کوټ ولسواليو کې په ګڼو لرې پرتو کليو بيا قبضه کړې ده
